Sou wout Nasyonal nimewo 1 an, daprè sendikalis Jacques Anderson Desroches, se yon kalvè chofè yo ap monte. Daprè pòt pawòl sektè transpò tèrès ayisyen yo, ti bis pap padap yo peye 10 mil goud, gwo bis 50 milk goud, kamyon k ap pote sab 5000 goud e yo dwe peye lajan sa a pou chak vwayaj. Men malgre y ap peye volim lajan sa yo, sa pa anpeche yo konn viktim tou swa kidnaping oubyen vòl machandiz.
Men sa ki plis enpòtan nan sa se paske Leta peyi d Ayiti pa menm okouran de bagay sa yo paske se sou yon lòt planèt yo abite. Chofè fè chwa difisil sa a paske yo pa gen lòt mwayen pou yo bat ak lavi e fòk yo pwoteje pasaje ak machin yo.
