Sis gwo Palto ameriken pami yo Bernie Sanders ak Elizabeth Warren voye yon lèt tou louvri bay prezidan Joe Biden jounen madi 19 desanm 2023 a. Nan lèt sa a, senatè yo di prezidan an yo pa konprann kouman l fè ap sipòte yon premye minis tankou Ariel Henry ki pa respekte menm yon pwen nan akò 21 desanm li te siyen an. Yo di yo gen anpil dout sou koze fòs miltinasyonal la k ap vin goumen kont gang yo paske gouvènman sa a pa enspire konfyans.
Pi lwen, 6 senatè ameriken yo avanse pou di se toujou gouvènman PHTK a ki la a, k ap souse san popilasyon an pandan yo pa menm gen kapasite ak moralite pou òganize eleksyon kredib nan peyi a.
