9 milya 378 milyon 792 mil 851 goud ak 3 santim, se kantite lajan sèvis ladwàn nan peyi d Ayiti anonse li ranmase pou mwa janvye 2023 a sèlman. Se yon lòt gwo rekò pou sektè sa a lè n konsidere kòman zafè kontrebann nan ye nan peyi sa a. Rete pou konnen kisa Leta pral fè ak lajan sa yo.
Malgre ensekirite a ap vale tèren patou kote, sa pa anpeche moun k ap fè biznis yo kontinye al achte aletranje pou vin revann nan peyi a. Se pa premye fwa ladwàn ap vante tèt li konsa men kesyon an se kisa Leta santral fè ak montan sa yo?
