Tout sitwayen ayisyen ki te deja Ozetazini avan dat 6 novanm 2022 kapab aplike pou nouvo estati tanporè sa a ki apenn tonbe a jiska mwa dawout 2024. Sou menm lanse sa a, Depatman Sekirite Enteryè anonse TPS ki te gen pou pran fen 4 fevriye 2023 a pwolonje pou yon lòt 18 mwa. Se kanmenm yon bòn nouvèl sitou pou ayisyen ki te an difikilte kay Tonton Sam yo.
Kesyon Nouvo Estati Tanporè sa a vini depi aprè katastwòf ki te kraze peyi Dayiti depi 12 janvye 2010 la. Etazini te akòde estati sa a ak ayisyen ki te blije vwayaje akoz gwo pwoblèm yo te genyen e yo pat gen papye legal. Nouvo TPS sa a ki tonbe a ak renouvèlman sa ki te la deja a se yon gwo kou pozitif pou ayisyen yo ki Etazini.
