Alòske peyi a ap fè fas ak yon grav pwoblèm blakawout, anndan EDH gen yon sitiyasyon ki trè grav. Se plis pase 22 milyon goud ki fè wout kochi nan EDH. DG Jean Errol Morose gen yon kat debi ki estime a 10 000 dola ameriken san konte lòt avantaj yo. Daprè akizatè yo, sèlman yon kesyè te kovonke e te reyisi remèt anviwon 800 mil goud aprè l te fin pase 4 jou nan gadavi nan komisarya Petyon Vil la. Daprè anplwaye yo.
Nan kòmansman mwa novanm nan, minis TPTC a te konvoke DG EDH la atravè yon lèt pou l te ka konfime eskandal sa yo. Daprè plent sa a yon ventèn anplwaye te depoze nan ULCC kont dirijan EDH yo, se 22 milyon 759 mil 671, 73 goud ki detounen nan bwat sa a.
