Prezime kriminèl sa a gen 43 lane, li se youn nan manm enfliyan gwoup gang k ap koupe rache nan Rosemberg anndan Bon Repo. Non li se Dorcely Murlin. Ajan UDMO mare bandi sa a jedi 24 novanm nan nan Mibalè nan kad yon operasyon. PNH la t ap bouske misye pou enplikasyon l nan divès zak briganday nan Rosemberg.
Ayè mèkredi a, toujou nan Mibalè, fòs lòd yo te fouke Philesca Denel ki gen 37 rekòt kafe sou tèt li. Li se moun Fon Cheval, li jwenn arestasyon l akoz li te vyole yon ti fi 10 lane. Se vre bandi yo ap bay pwoblèm, men polisye yo ap degaje yo pou mete fen nan zak yo.
