Se vre entènasyonal pòtigè a twouve l nan peyi Qatar pou jwe koup di mond lan men sa anpeche li menm ak ansyen klèb li a jwenn yon solisyon ak difikilte ki te genyen antre yo a. Se Manchester United ki anonse nouvèl la madi 22novanm nan, klèb anglèz la reyisi rezilye kontra li te genyen ak Cristiano Ronaldo a ki li menm te deja sou 2 sezon avèk li.
Depi kòmansman sezon sa a, bagay yo pat gen bon gou ant 2 pati yo. Te toujou gen anpil bouch louvri ant antrenè Manchester ak ansyen jwè Real la ki te gentan fè kèk tan tou nan Juventus de Turin avan l te rejwenn klèb mancunien an. Se konfime, tout bagay fini ant Cristiano ak Manchester United.
