Gen yon endividi ki tonbe nan echanj kout zam ak lapolis yè dimanch 30 oktòb la nan zòn Dèlma 19, blòk Sine Enperyal. Yo jwenn yon zam lagè nan men viktim nan. Toujou nan kad operasyon sa yo, gen yon lòt bandi ki tonbe maten lendi an nan zòn Vivimitchèl. Nan Dèlma 3 jodi lendi 31 oktòb la, Lapolis rekipere yon Toyota imatrikile AA-61149 bandi abandone nan zòn nan.
Gen yon pistolè lapolis konfiske. Fòs lòd yo nan ka sa a renouvle volonte yo pou kontinye konbat gang yo pou bay popilasyon an yon souf, daprè sa yo fè konnen.
