12 novanm se dat ki anonse kote pral gen yon mès requiem k ap chante Ayiti pou rann omaj ak Mikaben, se sa fanmi an anonse. Poko gen yon vil ki chwazi pou sa. Pandan tan sa a, gen yon delegasyon k ap gen nan tèt li minis Kilti a Emmelie Prophète Milcé, atis tankou Darline Desca, Ti Joe Zenny ak Roody Roodboy k ap prezan nan fineray yo k ap chante Florid dimanch 6 novanm 2022. Se minis Kilti a ki anonse nouvèl la pandan l t al vizite fanmi defen an.
Yon lòt bò, madam Milcé anonse ap gen yon aktivite k ap òganize nan tèt kole ak ministè kilti epi anpil atis pou rann omaj ak Mika. Yon desizyon fanmi an pa gen pyès pwoblèm avèk li men yo swete sa fèt aprè fineray yo.
