77 fwa non, nou p ap dakò okipasyon militè sou tè manman libète a. Se deklarasyon ansyen premye minis Laurent Salvador Lamothe ki te nan tèt primati a sou ansyen prezidan Michel Martelly nan yon tweet. Li mande pou yo ede Lapolis jwenn bon jan ekipman ak fòmasyon pito pou yo kapab kwape gang yo. Laurent Lamothe mande Ariel Henry retounen sou desizyon l pran an.
Li ale pi lwen pou l di gen anviwon 1500 kidnaping ki fèt nan 15 mwa, e fè konnen peyi a pa kapab ankò. Li prefere wè yon fòs entènasyonal antigang pou vin kore fòs lòd yo men kanta entèvansyon militè li kanpe an kwa kont sa.
