Addison Pierre Maalouf kap viv Atlanta nan peyi Etazini ki trè popilè sou YouTube viktim kidnaping depi 14 mas pase a. Enfliyansè sa a ki gen chèn Youtube li ki rele “YourFellowArab”, te sou wout pou al fè yon entèvyou ak Jimmy Cherizier alyas Babekyou. Jèn sa a ki gen 1.4 milyon moun kap swiv li, nan men 400 marozo yo jouk kounye a. Bandi yo mande 600,000 dola, men gen anviwon 40,000 ki deja bay daprè yon pwòch li.
Jenn gason sa a travay nan plizyè domèn sou rezo yo e youn nan sa li fè se mache fè entèvyou ak anpil rezo gang nan divès peyi.
