Agathe Termitus se non yon jenn enfimyè bandi te kidnape depi jou ki te 20 Dawout 2022 a nan Potay Leyogàn, sant vil Pòtoprens. Malgre plizyè ranson fanmi l bay ravisè yo, yo poko janm libere jenn fi a. Li te gen yon lòt moun avèk li lè bandi yo te kidnape l la men, 3 jou aprè yo te libere moun sa a.
« Nou vann tout sa n te genyen pou voye lajan bay bandi yo pou Agathe te ka libere, nou pa gen anyen ankò donk n ap priye bandi yo an gras pou yo libere l pou nou », daprè jan fanmi an plenyen. Pou koulye a, nou pa an mezi konfime nan ki baz mis Agathe twouve l.
