Leonel Fernandez, ansyen prezidan dominiken e pwochen kandida pou eleksyon fas Abinader deside pase fè yon vizit pèsonèl sou fwontyè Dajabón nan, nan zòn kote kanal la ap konstwi a. Daprè detay nou jwenn se lendi 2 oktòb la l ap gen pou l pase. L ap akonpanye ak manm Direksyon Politik « Fòs Popilè a, daprè enfòmasyon li bay. L’ ap pwofite rankontre ak pwodiktè yo sou fwontyè Dajabón nan, nan kad yon kongrè.
Se youn pami dominiken ki te deja mande Luis Abinader pou l retounen sou desizyon l te pran yo. Leonel Fernandez di li bezwen evalye ak pwòp je l kòman sitiyasyon an ye. Abinader ap prepare reeleksyon l, Leonel Fernandez ap itilize sitiyasyon sa a ki genyen an pou l pwofite ouvè kanpay li.
