Depi maten an, kout zam k ap chante Taba yo prèske gen menm son ak bri zam Lame Larisi a ap tire sou Ikrèn yo. Tout moun k ap travay nan OAVCT Taba yo pran nan petren. Popilasyon an ap kouri pasi pala, apèl detrès ap lanse, pa gen pèsonn ki vin ede yo. Jis rive midi jounen lendi 28 dawout 2023 sa a, lame Vithel’homme nan kontinye simen dèy nan Taba.
Pa gen pèsonn ki alabri nan vye peyi sa a. N ap raple Vithel’homme ap poze aksyon sa yo pandan Frantz Elbé t ap bay yon konferans pou Laprès nan Direksyon Jeneral Polis la.
