Sekretarya Jeneral Primati peyi d Ayiti fè konnen nan yon nòt li rann piblik jounen madi 4 jiyè a ke vandredi 7 jiyè 2023 ap dèy nasyonal. Yo pran mezi sa a pou rann omaj ak Jovenel Moïse ki te asasinen 7 jiyè 2021 e yon fason tou pou komemore 2e anivèsè lanmò defen an. Nan jou sa a, tout diskotèk ak lòt espas ki konn fè pwogram ap fèmen, estasyon radyo ak televizyon yo ap jwe mizik ki lye ak sikonstans lan.
N ap raple jis kounye a, non premye minis Ariel Henry site nan asasina Jovenel Moïse la, alòske li rete byen alèz ap ouvè kò l tout kote. Jovnelis yo sou bò pa yo kontinye ekri liv epi mande jistis pou ansyen alye Michel Martelly a.
