Yon jou aprè Òganizasyon mondyal lasante (OMS) otorize itilizasyon l an ijans, Repiblik dominikèn kòmanse itilize dòz AstraZeneca –inivèsite Oxford devlope– kont Covid-19.
Premye ejeksyon doz la fèt nan prezans prezidan dominiken an Luis Abinader ak vis prezidant li Raquel Pena. Premye moun ki resevwa vaksen AstraZeneca a se Ramón Familia Alcántara, yon kolonèl medikal entènis, ki direktè medikal adjwen lopital kote otorite yo lanse kanpay la.
Responsab sanitè yo te tou pwofite ale bay vaksen nan kèk lòt sant ospitalye Repiblik dominikèn, kote pèsonèl sante yo an kontak dirèk avèk moun ki trape kowonaviris la.
N ap raple, Repiblik dominikèn resanse omwen 2.958 desè ak 230.563 ka kontaminasyon. Yo kòmanse kanpay vaksinasyon yo nan moman peyi Dayiti ap klotire Kanaval li pou ane 2021 an nan Pòdepè.
Pooshy Rosana
