Depatman sa yo: Nò, Lwès, Sant, Sid, Sidès, Nip, Latibonit ak Grandans gen posiblite pou resevwa anpil lapli nan fen jounen lendi 4 septanm sa a akoz yon ond twopikal ki etann kò l sou zile karayib yo, daprè sa Direksyon Pwoteksyon Sivil anonse nan yon nòt sou kont X li. “Aktivite lapli, gwo van ak loray yo posib sou plizyè depatman jodi a, akoz pasaj yon ond twopikal sou Ayiti ak zile karayib yo”, se sa Direksyon Pwoteksyon Sivil fè konnen nan mesaj li a.
Pwiske lapli sa a ap touche divès depatman anndan peyi a, responsab yo nan Pwoteksyon Sivil mande tout moun rete sou brigad yo, veye anwo e veye anba.
