Rezo sosyal Facebook ak Twitter bloke yon atik jounal New York Post pibliye, ki fè kwè kandida demokrat Joe Biden ta genyen lyen avèk peyi Ikrèn. Amwenske 3 semèn de eleksyon prezidansyèl 3 novanm lan, kan demokrat ak repibliken yo pa sispann mennen gwo konba pou jwenn konfyans majorite ameriken yo.
Facebook ak Twitter bloke atik sila epi jije li pa fyab. Se yon desizyon rezo sosyal yo pa abitye pran akòz karaktè yo ki plis redaksyonèl.
Si Facebook chwazi ”limite difizyon” atik la, pa bò kote pa l Twitter efase l nèt.
Atik Post la baze sou plizyè kouryèl ak divès lòt dokiman nimerik yo jwenn sou yon òdinatè pitit gason lidè demokrat la, Hunter, ke ansyen mè Nouyòk la epi ki avoka Donald Trump, Rudy Giuliani, te bay jounal New York Post yon kopi.
Pooshy Rosana
