Sou paj Facebook li, enstitisyon polisyè peyi Dayiti a anonse fòs lòd yo touye yon bandi nan echanj kout zam epi yo arete yon dizèn lòt endividi ki ta nan zak malonèt. Lapolis la anonse y ap miltipliye operasyon yo nan zòn Swason, Tòsèl, Merizye ak Tapaj yon fason pou yo kapab kontrekare tout move zè yo.
Lapolis pwomèt ak popilasyon an l ap travay kou mèt Jan Jak pou klase bandi k ap simen latwoublay nan sosyete a nan tout zòn yo sible yo. N ap raple dènye jou sa yo, tout kote ki gen gang nan peyi a se anpil dega yo fè sitou pou Vitelòm ki pa janm kanpe nan plèn nan avèk move zak li yo.
