“Sa w wè a se sa” se tit mizik sa a Joverlein Moïse anonse jounen mèkredi 3 avril la ke li pral mete deyò. Daprè sa li fè konnen sou paj Facebook li, mizik sa a ap gen pou sòti mwa avril sa. “Premye single mwen k ap sòti pou pi ta nan mwa sa a, se Joël Ferron ki pwodwi l e miksaj la se yon enjenyè pwolifik ki fè l ki rele Jesse Ray Ernster ki se yon gwo pwodiktè mizik”, se sa Joverlin ekri sou rezo yo.
N ap raple nan moman li t ap ekri tèks la, li te poste yon foto sou paj li ak yon gita bò kote l sou yon kanape. N ap tann kisa mizik sa a pral pote.
