Daprè Patrick Almonor, youn nan majistra Okap yo, se yon avyon ki te vin chache resòtisan ameriken ki te tou pwofite ale ak kèk minè ki te tou gen “otorizasyon vwayaj” nan men yo. Daprè sa Almonor di nan mikwo radyo Kiskeya, moun yo pran ale avèk yo nan avyon sa a ki te gen plas vid yo, yo ranpli yon fòmilè kote lè yo rive Etazini, y ap remèt lajan tikè yo. Se te yon bagay ki te byen planifye depi avan, pat janm gen zafè vwayaje gratis k ap pale a.
N ap raple se sèlman Sunrise k ap fè vòl entènasyonal Okap e li lwe avyon nan men kèk lòt konpayi pou sa tou. E menm moun ki benefisye vòl espesyal yo, y ap peye pou sa.
