Menm jan anpil sektè di sa deja, jodi dimanch 24 septanm nan, pastè Legliz “Tabernacle de Gloire” a, Grégory Toussaint fè konnen se pou kanal la kontinye konstwi. Li ale pi lwen pou di Ministè Shekinah deja pale ak komite k ap jere travay yo pou yo ka kolabore. Tout kominote ayisyèn nan dwe mete men pou travay yo vanse.
Anpil moun sou rezo yo te deja ap kesyone silans pastè Grégory men li reponn e li reponn an granmoun. Gen plizyè pastè an Ayiti ki deja pote sipò yo ak dosye sa a e si pou yo kanal la pa gen dwa kanpe men gang pa ladan l. Pou kèk pastè, gang pa gen dwa mete kòb nan travay sa a.
