Alòske komisè Ronald Richmond te pran mikwo Laprès pou demanti komisè Muscadin, arestayon fanmi chèf gang nan gaye wonn nan. Komisè Muscadin fouke papa Bout Ba, bèlmè l ak tout yon frè l. Nan kesyon komisè a poze papa vagabon an, li konfime pou li chèf gang nan te Pòsali e li te kache nan raje lel t relel nan telefon pou l pote rad pou li. Pou tout moun ki t ap kalonnen komisè a, verite a parèt aklè.
Komisè Ronald Richmond te di Muscadin pat gen dwa antre nan jiridiksyon li an e li te plede repete bandi a pat nan komin nan. Se yon prèv ki ka ede tout moun pwouve komisè Muscadin gen bon jan sous k ap bal enfòmasyon e li souvan gen rezon.
