Ri Sentonore, ri Kapwa, ri Timas, zòn Akademi Polis la, Taba elatriye se kèk nan kote fòs miltinasyonal la di yo deja kontwole pandan dènye operasyon yo. Yo di nan kominike a yo fè bandi kouri, yo leve barikad, yo pèmèt Akademi Polis la rekòmanse travay e yo pèmèt machin ap fonksyone. Yo menm di Dèlma 31, 33, 24, 18… te totalman anba kontwòl gang, yo fè operasyon pou retabli sekirite ladan yo. Yon kominike ki chaje ak manti ladan l jis pou pase moun nan betiz.
Kounye a èske se nan dòmi rapò sa a ekri? Èske se vre se kenyan yo ki ekri l? Èske Leta ayisyen okouran de kominike lawont sa a Godfrey Otunge ak ekip li fè sòti a?
