Michael Benjamin alyas Mikaben, chantè, aranjè ak konpozitè ayisyen te pèdi lavi l sou sèn nan vil Pari pandan l t ap patisipe nan yon konsè ak mesye Carimi yo. 15 oktòb 2022, devan piblik fizik la ak plizyè milye lòt ki t ap gade a distans, Mikaben tonbe pou l pat janm retounen nan lavi ankò. Youn nan moun lanmò sa a afekte anpil se papa atis la, Lionel Benjamin ki poko janm ka dijere disparisyon trajik sa a 4 lane aprè.
Lanmò Mika kite yon gwo vid nan endistri mizik ayisyèn nan men sitou, nan kè plizyè milye fanatik ki te atache ak atis polivalan sa a.
