Nan moman malfra yo t ap mete dife nan lokal Sun Auto a lendi 12 jwen an nan aswè nan komin Taba a, espas ki loje konsila Jamayik la kankannen tou. Kidonk pandan peyi Jamayik louvri pòt li bay Ayiti pou n al diskite sou kriz politik la ak pwoblèm ensekirite a lakay li, bandi menm ap vandalize espas yo genyen nan peyi a.
Konsila onorè sa a se nan lokal Sun Auto a li te ye paske anpil konsila kèk peyi etranje se nan biznis prive yo ye isit akoz se patwon yo ki konsil onorè. Aprè dram nan, gouvènman jamayiken an fèmen konsila sa a pou yon ti bout tan.
