Manm Konsèy Prezidansyèl yo di yo pa konprann kòman premye minis Garry Conille ap aji avèk yo a. Gen ladan yo ki deklare Garry Conille panse se prezidan li ye, tèlman l ap pran desizyon pou kont li. Gen youn nan konseye-prezidan yo ki fè konnen se nan yon mesaj WhatsApp li te konnen Garry Conille pral nan peyi Etazini. Ant premye minis la ak Konsèy Prezidansyèl la, vyolon yo pa fin akòde ditou.
Mesye dam yo raple pou Garry Conille, se Edgard Leblanc Fils ki te siyen dokiman pou mete l premye minis la. Sèl bagay depi avan Garry Conille te vin premye minis, li te parèt plis popilè manm Konsèy yo.
