Peyi Kanada fè konnen li dispoze pou akeyi 500 000 imigran chak ane pou al travay. Pwogram sa a ap bout nan lane 2025. Daprè responsab peyi sa a, gen plis pase 900 000 pòs travay ki disponib pou kategori sila a. Minis imigrasyon kanadyen an swete pou rive 2025, plis pase 60% admisyon total yo se migran ekonomik yo ye.
Peyi Kanada toujou gen pwogram sa a pou akeyi moun ki sòti nan peyi etranje pou kapab fè yo jwenn travay lakay yo, sitou fanmi yo. Men nan majorite moman yo se pwofesyonèl yo pran. Yo pa mete anfaz sou peyi kote migran sa yo ap sòti men otorite yo sèlman anonse y ap akeyi chak ane, jiska 2025, 500 mil imigran.