Ansyen depite Jerry Tardieu, ki te reprezante komin Petyon-Vil nan 50e lejislati ayisyèn nan, lanse, samdi 3 oktòb la, pwòp mouvman politik li ki batize : «En Avant».

Daprè antreprenè a, «En Avant» se yon zouti politik ki gen plizyè nouvo lidè k’ap dirije l. Se yon zouti ki bay tèt li misyon pou l redrese bak peyi a.

Si «En Avant» lanse nan yon moman kote prezidan Repiblik la, Jovenel Moïse, anonse òganizasyon eleksyon yo, Jerry Tardieu fè konnen «En Avant» pa yon mouvman elektoralis. «Se zouti pou n chanje vizaj peyi a», se deklarasyon ansyen palmantè a.

Sou plan ideyolojik, Jerry Tardieu pa presize si «En Avant» kanpe sou bò goch, dwat oubyen nan mitan.

Nan lansman mouvman an, Jerry Tardieu kalifye Konsèy elektoral pwovizwa a (KEP) enkonstitisyonèl. M. Tardieu kwè pa gen okenn eleksyon k’ap onèt, kredib ak transparant avèk rejim an plas la.

Wilner Jean