531 moun tonbe anba bal, 300 lèzòt blese e 280 kidnape. Se chif sa a Wo Komisarya Nasyon Zini pou Dwa Moun pibliye nan yon rapò jounen madi a nan vil Jenèv. Daprè moun sa yo, se gang nan kapital la ki komèt krim sa yo laplipa ladan yo se tirè delit ki voye yo ale pandan yo anndan lakay yo oubyen nan lari.
Chak jou ki pase, Nasyon Zini ap pibliye chif sou chif pou Ayiti alòske yo rekonèt nwa sou blan ki kote zam k ap fè zak yo soti. Èske dènye rapò sa a reflete reyalite a lè n konsidere kantite moun bandi manje nan peyi sa a nan kòmansman ane a?
