Plis pase 25 jou depi fòs GSF yo prezan nan zòn Gonayiv, sitwayen yo kontinye ap denonse sitiyasyon sekirite a nan Lakwa Peris, yon seksyon kominal kote gang Kokorat San Ras ta kontinye ap fè lalwa depi yon bon bout tan. Daprè temwayaj plizyè sitwayen, pandan gwoup ame yo kontinye egzèse kontwòl yo nan Lakwa Peris, fòs GSF yo ap fè patwouy sitou nan sant vil Gonayiv. Sitiyasyon sa a soulve anpil kesyon sou efikasite deplwaman fòs sekirite yo, sitou sou Wout Nasyonal #1, kote ensekirite a kontinye poze gwo defi pou popilasyon an.
Sitwayen yo kritike Leta ayisyen ak GSF pou fason operasyon yo ap dewoule. Yo mande pou entèvansyon sekirite yo rive nan zòn ki pi ekspoze yo, sitou Lakwa Peris, kote yo di gang Kokorat San Ras ap enpoze otorite li.
