Polisye Jean-Claude Orlens tonbe anba bal bandi lendi 28 dawout la nan aswè daprè Sendika Polis Nasyonal la. Polisye sa a se nan BI CMPAP li t ap travay e li sòti nan 31e pwomosyon Lapolis la. Toujou daprè SYNAPOA, aprè nèg sou moto te fin atake bakòp la, yo t ap pouswiv yo e rive nan Ri Lama, lòt bandi louvri kout zam sou yo.
Endis yo montre a klè ke Lapolis pa an eta pou fè travay li jan l dwe fè l paske Leta bay plis priyorite ak bandi yo ke moun k ap pwoteje ak sèvi yo. Nan mwens pase 2 jou 2 polisye pèdi lavi yo prèske nan menm kondisyon.
