2 anplwaye mouri, 4 lèzòt blese, 3 kamyon boule e bandi yo pati ak 8 lòt kamyon, se bilan atak nèg ak zam fè sou konpayi wonm Bakara nan Kwadèboukè. Daprè responsab yo, bandi yo vandalize konpayi a e yo ale ak anpil kès wonm. Pou kounye a responsab Bakara yo gen gwo kè kase paske gen tannkè ki riske eksploze.
Sèlman sa yo an mezi fè pou kounye a se mande lapolis rive sou plas pou kontwole sitiyasyon an paske bagay yo kapab vin anpire. Fòk nou fè remake aprè dega sa yo, bandi yo ale byen alèz.
