Yon lòt viktim ankò nan peyi a. Bandi ak zam moun pa rive idantifye asasinen PDG Emile Market la. Li te akonpanye ak yon pitit gason l ki li menm resevwa plizyè bal nan Jivena. Pitit gason an pa mouri, l ap resevwa swen ka l nesesite. Zak sa a pase samdi 26 novanm nan nan aswè. Daprè enfòmasyon ki disponib yo, malfra yo ale ak machin yo te ladan l lan.
Chak jou nan peyi Dayiti, move nouvèl yo ap miltipliye tankou grenn sab bò lanmè. Bandi pa respekte pè pap nan peyi a kote yo touye moun pou dan ri. Responsab Emile Market la tonbe. Èske se vag ensekirite a oubyen se pou lòt bagay? Ke lajistis peyi Dayiti, si l la toujou, pèmèt ti moso limyè jayi sou dosye sa a.
