Selon enfòmasyon Sendika Nasyonal Polisye Ayisyen yo pataje, nan atak bandi yo fè sou komisarya Bon Repo a pandan jounen jedi 29 fevriye a, gen gwo dega ki fèt. Gen 3 polisye ki sòti blese pandan gen 4 lòt ki pèdi lavi yo, pami yo gen 2 fanm. Viktim sa yo sòti nan 26e, 31e ak 32e pwomosyon PNH la toujou selon SYNAPOA e gen yon Enspektè Prensipal tou. Idantite polisye sa yo poko revele. Bandi yo boule yon veyikil Lapolis tou.
Nan yon « voice » 15 segond anviwon k ap sikile sou rezo yo, youn nan polisyè ki mouri yo, ki rele Louicia Pierre t ap rele mande ranfò. Okenn entèvansyon pat fèt.
