Kadinal Chibly Langlois, ki se premye kadinal nan peyi Dayiti, deklare jodi vandredi 27 novanm 2020 an, konferans Episkopal Legliz Katolik prè pou l ede aktè politik yo jwenn yon antant pou rezoud kriz politik peyi a ap fè fas depi kèk tan.
Evèk vil Okay la fè konnen fòk aktè yo sensè, yo pa dwe itilize moun ak enstitisyon yo tankou mach pye pou monte kote yo vle.
« Nou gen kritè pou n jije si yo sensè ak si yo pa sensè. Si yo pa sensè nou p’ap patisipe nan bagay konsa. Si yo sensè nou prè pou n akonpaye yo« , deklarasyon kadinal la.
Kadinal la kwè okenn sakrifis pa twò gran pou sove Ayiti, epi fè kwè li rete konfyan pandan konferans sa nan lokal Sent-Mari.
N’ap raple opozisyon an kanpe sou pozisyon l: fòk Jovenel Moïse bay talon li 7 fevrye 2021. Plizyè manm nan opozisyon an di yo pa nan dyalòg ak Jovenel Moïse.
Jeff Jean Joseph