Akoz ensekirite ki ap vale teren an Rutshelle Guillaume Band pran desizyon kanpe tout aktivite mizikal li genyen pou peryòd sa dapre yon nòt k ap sikile sou divès platfòm chantez « rete la » an.
Atis la pwofite tou voye senpati bay fanmi ak pwòch Evelyne Sincère ki te jwenn lanmò l nan dat 1er novanm pase an. Rutshelle avanse tou nan menm nòt sa pou l mande tout otorite ki nan peyi a pou yo pran responsabilite yo nan bay jistis ak fanmi Evelyne ak tout lòt fanmi Ayisyen ki pèdi yon pwòch.
RG Band poko bay ankenn dat l ap reprann aktivite mizikal li yo. Se konsa tou kèk pwogram ki te dwe reyalize nan jou yo anile, yon fason pou pwoteste kont tout fòm ensekirite nan peyi a.
Angy Desravines
