Medsen rezidan matènite Izayi Janti deside kanpe travay depi semèn pase a pou reklame 12 mwa travay leta dwe yo epi pwofite mande pi bon kondisyon travay, daprè yon nòt komite nasyonal medsen rezidan diferan lopital inivèsite piblik yo pibliye nan komansman semèn nan.
Toujou nan nòt sila, medsen sila yo denonse klima ensekirite a k ap vale tèren anndan peyi a, kote medsen yo pa epanye.
Komite nasyonal medsen rezidan nan diferan lopital inivèsite piblik yo menase pou louvri kad mouvman grèv la wi leta rete endiferan fas a revandikasyon yo.
N ap raple se pa premye fwa pèsonèl sante yo deside kanpe travay pou reklame kòb leta dwe yo ak pi bon kondisyon travay.
Jeff Jeann Joseph
