Dènye jou sa yo, moun Latibonit, sitou Sen Mak ak moun Laplèn nan Lwès pa sispann kouri pou bandi, okenn fòs nan Leta a pa janm fè anyen tankou jan sa toujou ye pou yo mete bout nan soufrans viktim yo. Chak fwa kriminèl yo fin touye yon dividal moun, se lè sa a ou tande gen entèvansyon ki fèt. Selon dènye chif ki sòti nan òganizasyon lokal yo, se pliske 80 moun ki gentan mouri Laplèn. Lapolis resi rive men rezilta yo pa satisfezan.
Polisye yo kraze anpil bagay nan baz Chen Mechan men sa te ka pi bon si yo te evite fanmi sa yo kouri.
