Venancio Alcántara se direktè imigrasyon nan peyi Dominikani. Nan yon anons li bay yè lendi 14 novanm nan, li fè konnen yo arete 1 395 ayisyen ki san papye e nan vil tankou Santyago, La Vega, Jarabakoa, Jimaní, Dajabón, Pedènal ak Santo Domengo, yo arete 4 582 lòt nan kad divès operasyon, daprè sa jounal Diario Libre ekri.
Dènye jou sa yo, se pa pil e pa makòn imigrasyon dominikèn depòte konpatriyòt ayisyen yo ki san papye. Wikenn pase a, yon gwo otorite nan peyi vwazen te fè konnen depi yon ayisyen ilegal, li pa bezwen met pye l nan peyi sa a.
