Nan yon anons li fè jodi lendi 14 novanm 2022 a, peyi Kanada fè konnen gen sanksyon yo pran kont Jimmy Chérizier alyas Babekyou. Daprè mezi sa a, li paka pile teritwa Kanada, si li gen byen nan peyi a lap pèdi yo ak anbago sou zam yo mete sou li tou. Sanksyon sa yo gen pou wè ak sa konsèy sekirite Nasyon Zini an te prevwa yo nan rezolisyon 2653.
Chèf gang G9 la Jimmy Chérisier k ap evolye nan zòn ba Dèlma se youn nan prezime bandi Etazini ak Kanada mete anpil aksan sou li. Rete kounye a pou n konnen jis ki kote mezi sila yo ap rive.
