Samdi 29 oktòb la nan aswè, bandi libere pitit Mosanto Petit a tout moun konnen sou non Toto. Kesnel Petit te anlve jedi pase a Laboul 12 e se baz Ti Makak la ki te kidnape l . Selon enfòmasyon yo, gen lajan ki vèse pou sa e 2 moun ki te pote lajan an ale a, bandi yo kenbe yo.
Gen rimè ki t ap kouri e ki fè kwè yo te touye Kesnel, nouvèl sa a vin demanti tousuit rimè sa yo paske Kesnel Petit rejwenn pwòch li yo. Nou dwe konnen gang Ti Makak la pran Laboul 12 ak Fesa an otaj depi kèk tan e yo touye ak fè anpil kidnaping.
