Se ofisyèl. Desizyon gouvènman an te pran nan konsèy minis pou mande yon fòs etranjè demake nan peyi a sòti nan jounal ofisyèl peyi a. Nan arete sa a, tout minis yo siyen e mande newochirijyen an pou l mande san pèdi tan yon entèvansyon militè pou vin konbat gang yo ki, selon sa yo di, anpeche peyi a fonksyone.
Anpil moun ak enstitisyon nan peyi a kòmanse eksprime kòlè yo pa rapò ak yon desizyon parèy. Se tankou tout pwoblèm ki gen nan peyi a se gang yo ki vini ak yo, daprè kèk obsèvatè. Rete kounye a pou konnen èske entènasyonal la ap valide demand sa a byenke anpil ladan yo te deja pou yon entèvansyon militè sou Ayiti.
