Aprè yon konsèy minis ki fèt jedi 6 oktòb la nan aswè, ansanm minis yo ak konseye PM de facto a Ariel Henry, otorize l ekri entènasyonal la pou mande yon entèvansyon an ijans atravè yon fòs etranjè an Ayiti. Yo voye lèt sa a ale yon mannyè pou mande èd pou yo konbat gang yo daprè sa jounal Miami Herald ekri. Yon demand peyi tankou Etazini pa ta gen twòp pwoblèm avè l.
Menm moman an, Sekretè Deta ameriken an Antony Blinkyn fè konnen peyi li a deja pare pou bay èd sa a. Yon lòt kote, nou dwe raple aprè reyinyon ki te genyen nan Òganizasyon Eta Ameriken an ayè jedi a, Luis Amagro ki se Sekretè Jeneral la te konseye Ayiti pou l mande bòt fere antre nan peyi a. Jean Victor Généus te prezan nan Asanble sila a.
