Peyi Dayiti t ap fè fas ak yon sitiyasyon difisil, men gouvènman an ap fè nou konnen sa ap jere. Tout aktivite ekonomik peyi a pral rekòmanse, tout kote ki gen ti pwoblèm nou mete lòd gras ak Lapolis. Men sa minis zafè etranjè ayisyen an deklare ayè devan konsèy sekirite Nasyon Zini an.
Alòske anpil lòt peyi wè bagay yo grav pou nou e y ap mande lapè, Jean Victor Généus bò kote pa l wè bagay yo ap mache byen. N ap raple gen plizyè moun ki santi yo blese pa rapò ak deklarasyon minis zafè etranjè Ayiti a.