Premye minis Ariel Henry sanble pa tande ni pa konprann sa k ap fèt nan peyi a. Malgre gwo mouvman leve kanpe ki gen nan lari a, yon konsèy minis ki fin fèt aprè midi madi 13 septanm nan ta sanble gen pou sòti ak desizyon sa a sou gaz la: 570 goud pou yon galon gazolin, 670 goud yon galon dizèl ak 665 goud pou kewozèn nan. Se yon sous pwòch primati ki lage primè sa a.
Yo poko bay dat la men gouvènman an di wè pa wè gaz la ap monte. Anpil kòmantè gentan ap sòti pou mande èske tèt premye minis la dwat pa rapò ak desizyon tèt chat sa yo li deside antre ladan l yo a, malgre gwo dega ki tanmen anrejistre.
