Nouvèl la tonbe jounen lendi 29 dawout 2022 a. Doktè Odilet Lespérance, jèn jinekològ-obstetrisyen, bay vag ak lavi akoz yon kansè nan sèvo. Jenn medsen 41 lane a te Sekretè Jeneral Rezo Ayisyen Jounalis Sante yo (RHJS).
Se pwòch espesyalis la ki konfime nouvèl la jodi a. Sa ki mete anpil zanmi ak senpatisan doktè Odilet Lespérance sou anpil chòk. N ap raple, jenn medsen an te konn pran pozisyon sou anpil bagay k ap pase nan peyi a. Yon lòt vye nouvèl ankò pou mond medikal ayisyen an ki pa menm gen ase nan jan de resous sa yo, daprè anpil obsèvatè.
