Senatè Florid la Marco Rubio mande Pwokirè Jeneral Ameriken an Maerrick Garland, pou mande atravè Interpol arestasyon Prezidan Nicolás Maduro pou trafik dwòg. Maduro te andeyò peyi l nan mitan yon toune entènasyonal.
“Kòm ou konnen, Maduro se yon kriminèl yo akize de asosye ak òganizasyon teworis pou itilize dwòg ilegal kòm zam kont Etazini. Nan enterè sekirite nasyonal Etazini ak estabilite rejyonal, Maduro dwe jije pou krim li fè kont pèp Venezyelyen an,” Rubio te di nan lèt Miami Herald la te jwenn.
Depatman Lajistis Ameriken te akize Maduro ak 13 lòt wo-plase ofisyèl rejim lan ki fè Venezyela tounen yon narko-eta.
