Me Wendell Coq Théllot, Me Joseph Jean Mécène ak Me Ivekel Dabrésil se non 3 jij aprè anpil diskisyon, opozisyon an antann yo ki pou vin ranplase prezidan Jovenel Moïse aprè 7 fevriye 2021, daprè sekretè jeneral Pitit Dessalines nan, Jean-Charles Moïse nan yon konferans pou laprès maten mèkredi 3 fevriye a.
Ansyen Senatè Nò a, voye yon pinga bay moun k ap gen pou mennen tranzisyon an. Jean-Charles Moïse mande jij kou kasasyon k ap vin nan tèt tranzisyon an pou l mete sekirite anndan peyi a, epi batay pou pwosè petwokaribe a fèt.
Sekretè jeneral la fè konnen opozisyon an poko fin mete yo dakò sou Komisyon Nasyonal Tranzisyon an. Mesye Moïse fè konnen rankont yo ap rapousib avèk
diferan òganizasyon popilè yo konsènan pwen sa, òganizasyon yo wè tankou yon danje pou peyi a.
“Mobilizasyon yo ap rapousib jiskake Jovenel Moïse kite pouvwa a 7 fevriye 2021” deklarasyon Jean-Charles Moïse.
Jeff Jean Joseph
