Yvette Clarke, Rashida Tlaib, Barbara Lee, Jan Schakowaky, James Mc Govern ak Ayanna Pressley se non 6 demokrat ameriken sa yo ki fè pati kongrè a ki ekri administrasyon Biden nan pou mande l pa sipòte fòs miltinasyonal la k ap planifye pou Ayiti a.Demokrat sa yo di sòti 1990 rive jounen jodi a, se anviwon 7 misyon ki vin Ayiti san yo pa regle anyen. Yo raple dènye misyon ki te genyen an ki se MINUSTHA, se kolera li te pote pou pèp ayisyen an.
Demokrat sa yo ekri Anthony Blinken ki se Sekretè d Eta ameriken an pou mande l bloke trafik zam ak minisyon ki gen sou Ayiti a epi sispann sipòte premye minis Ariel Henry ki p ap regle anyen nan peyi a.
